चेन्नाईको आईपिएल यात्रा कठिन, राजस्थानसंग ७ विकेटले हा¥यो

  
चेन्नाईको आईपिएल यात्रा कठिन, राजस्थानसंग ७ विकेटले हा¥यो

एजेन्सी । इन्डियन प्रिमियर लिग आईपीएल क्रिकेटमा राजस्थान रोयल्सले चौंथो जित निकालेको छ ।

यूएईको शेख जायद क्रिकेट मैदानमा सोमवार राति भएको खेलमा चेन्नई सुपर किङ्ग्सलाई ७ विकेटले पराजित गर्दै राजस्थानले चौंथो जित निकालेको हो । चेन्नईले दिएको १ सय २६ रनको लक्ष्य राजस्थानले १७ ओभर ३ बलमा मात्र ३ विकेट गुमाएर पूरा गर्यो । राजस्थानको जितमा जोस बट्लरले अविजित ७० रनको अर्धशतकीय पारी खेले । कप्तान स्टिभ स्मिथ २६ रनमा अविजित रहे । चेन्नईका दिपक चाहरले २ विकेट लिए ।

यसअघि टस जितेर पहिले ब्याटिङ गरेको चेन्नईले २० ओभरमा ५ विकेट गुमाएर १ सय २५ रन बनाएको थियो । चेन्नईका लागि रबिन्द्र जडेजाले अविजित ३५ रन बनाए । यस्तै कप्तान महेन्द्र सिंह धोनीले २८ रन र साम करणले २२ रन बनाए । राजस्थानका जोफ्रा आर्चर, कार्तिक त्यागी, श्रेयस गोपाल र राहुल टेवाटियाले १-१ विकेट लिए ।

जितसँगै राजस्थानले प्ले अफमा पुग्ने सम्भावना कायमै राखेको छ । राजस्थानले १० खेलमा ८ अंक जोडेको छ । राजस्थान लिगको पाँचौं स्थानमा छ । १० खेलमा ६ अंक जोडेको चेन्नई तालिकाको पुछारमा रहेको छ । चेन्नाईको अबको यात्रा कठिन भएको छ । आईपिएलका सबै सिजनमा प्ले अफमा पुगेको चेन्नाई यसपाली भने प्रदर्शन राम्रो गर्न सकेन । 

तपाईं यस पोष्टको लागि प्रतिक्रिया कसरी गर्नुहुन्छ?

React on this Post