जानुका तामाङको तिज गीत ‘मरिन्छ कि साइलो’ बजारमा

  
जानुका तामाङको तिज गीत ‘मरिन्छ कि साइलो’ बजारमा

काठमाडौँ १६ असार । जानुका तामाङको तिज गीत ‘मरिन्छ कि साइलो’ बजारमा आएको छ । कोरोना भाइरसले निम्त्याएको सङकटले दुःखी गरिबलाई चुलो बाल्न समेत समस्या परेको विषयमा आधारित रहेर गीत तयार पारिएको छ । गीतमा खेम सेन्चुरी, जानुका तामाङ, विमलराज क्षेत्री, राधिका हमाल, खुमन अधिकारीको स्वर रहेको छ ।

शब्द सिर्जना नेत्र आर्यालले गरेका छन् भने सङगीत सेन्चुरीको रहेको छ । गीतको म्युजिक एरेञ्ज विनोद बाजुरालीले गरेका छन् । भिडियोमा सबै गायक गायिकाले अभिनय गरेका छन् । भिडियो निर्देशन प्रकाश भट्टले गरेका छन् ।

सेन्चुरीले सङ्गीत गरेका गीतले पछिल्लो समय निकै चर्चा पाउन थालेका छन् । गत वर्ष उनकै स्वर तथा सङगीत, अर्यालको शब्दमा बजारमा आएको शम्भु कुवँरको तिज गीत ‘लरिलरि लै, रुन्छु बरिलै’ ले युटुवमा १ करोड ३३ लाख बढि भिउज बटुलेको छ ।

सेन्चुरीको सङगीत, स्वर रहेको गीत ‘झ्यालमा पर्दा पर्दा छ’ ले १ करोड ६५ लाख धेरै भिउज पाएको छ । उनले सङगीत रहेको अर्को गीत ‘चिया छानेको’ले १ करोड ७६ लाख बढि भिउज बटुलेको छ । सेन्चुरीको सङगीत, स्वर रहेका सबैजसो गीत चर्चामा छन् ।

पुरा भिडियो हेर्नका लागि यहाँ थिच्नुहोस्

तपाईं यस पोष्टको लागि प्रतिक्रिया कसरी गर्नुहुन्छ?

React on this Post

प्रतिकृया दिनुहोस


लोकप्रिय