फिफा विश्वकप २०२६ अन्तर्गतको छनोट खेलमा नेपाल युएईसँग पराजित भएको छ। साउदी अरबको दमामस्थित प्रिन्स मोहमद विन फहद रंगशालामा गएराति भएको खेलमा नेपाल युएईसँग ४-० गोलले पराजित भएको हो।
युएईको जितमा हरिब अब्दालाले २ तथा अलि सलेह र हजेम मोहम्मद अबदुल्लाह अब्बासले गोल गरे। खेलको १२ औं र १४ औं मिनेटमा अब्दालाले गोल गर्दा नेपाल पहिलो हाफमा २-० गोलले पछि परेको थियो।
५३ औं मिनेटमा अलि सलेहले गोल गरे। ७५ औं मिनेटमा हजेम मोहम्मद अब्दुल्लाह अब्बासले ७५ औं मिनेटमा गोल गर्दा नेपाल ४-० गोलले पराजित भएको हो।
समूह ‘एच’ मा रहेको नेपालले यसअघि पनि युएईसँग ४-० गोलले पराजित भएको थियो। त्यसअघि यमनसँग २-० ले पराजित भएको थियो। त्यस्तै नेपालले बहराइसँगको पहिलो खेल ५-० र दोस्रो खेल ३-० ले गुमाएको थियो।
जेठ २४ मा युएईसँग खेलेपछि नेपालले अन्तिम खेल जेठ २९ मा यमनसँग कतारमा खेल्नेछ।
