समाचार सारांश
Auto Generated by AI
- केपी शर्मा ओली र रमेश लेखकमाथि प्रहरीले अनुसन्धान जारी राखेको छ।
- सर्वोच्चको आदेशमा उनीहरू हाल जमानीमा रहेर अनुसन्धानमा सहयोग गरिरहेका छन्।
- यस विषयमा भ्रमपूर्ण सूचना नफैलाउन प्रहरीले सचेत गराएको छ।
पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकमाथि अनुसन्धान जारी रहेको प्रहरीले जनाएको छ । मंगलबार प्रेस विज्ञप्ति प्रकाशन गरेर जिल्ला प्रहरी परिसर काठमाडौँले उनीहरूमाथि अनुसन्धान जारी रहेको जानकारी गराएको हो ।
चैत १४ मा पक्राउ परेका ओली र लेखक सर्वोच्च अदालतको परमादेशको आधारमा चैत २६ मा रिहा भएका थिए । सर्वोच्चको परमादेश र जिल्ला सरकारी वकिल कार्यालय काठमाडौँको निर्देशनमा ज्यानसम्बन्धी कसुरका आरोपीद्ववयमाथि माथवर व्यक्तिको जमानीमा राखेर अनुसन्धान भइरहेको जिल्ला प्रहरी परिसर काठमाडौँका एसपी पवन भट्टराईले जानकारी दिए ।
अनुसन्धान भइरहेको विषयमा सामाजिक सञ्जाल र सञ्चारमाध्यममा भ्रामक सूचना प्रकाशन, प्रसारण नगर्न प्रहरीले आग्रह गरेको छ ।
