वाईवाई चाउचाउले जारी आइसिसी टी–२० विश्वकपमा सहभागी नेपाली राष्ट्रिय टिमलाई प्रोत्साहित गर्न ठूलो राशीको पुरस्कार घोषणा गरेको छ। जसअनुसार जारी विश्वकपको सुपर-८ मा पुग्न सफल भए नेपाली राष्ट्रिय टिमलाई वाईवाई चाउचाउले नगद ३० लाख रूपैयाँ पुरस्कार दिने सिजी फुड्सले जनाएको छ।
घोषणासँगै नेपाली क्रिकेटको राष्ट्रिय टिमले जारी टी-२० विश्वकपको सुपर-८ मा पुग्नासाथ वाईवाई चाउचाउको तर्फबाट नगद ३० लाख रूपैयाँ प्राप्त गर्नेछ। यसका साथै वाईवाई चाउचाउले जारी विश्वकपमा नेपालको जितको शृंखला अगाडि बढाउन खेलाडीहरूको मनोबल उच्च पार्ने उद्देश्यले अन्य विभिन्न पुरस्कारको पनि घोषणा गरेको छ।
प्रत्येक रन बनाए बापत एक हजार, प्रत्येक चौकाबापत आठ हजार, प्रत्येक छक्काबापत १२ हजार, प्रत्येक विकेटबापत १५ हजार, प्रत्येक अर्धशतकबापत ५० हजार, प्रत्येक शतकबापत एक लाख र नेपाली टिमको प्रत्येक जितमा एक लाख ५० हजार रूपैयाँ नगद उपलब्ध गराउने जनाएको छ।
