लक्ष्मण घिमिरे ।
अर्घाखाँची,असार २६ । अर्घाखाँचीको सन्धिखर्कमा झड्केलो छोराले बुवाको हत्या गरेर मलखातमा पुरेको अवस्थामा भेटिएको छ ।
सन्धिखर्क नगरपालिका वडा नम्बर-१२, डिभर्ना बार्सखर्कमा ७० वर्षिय जंग बहादुर नेपालीलाई झड्केलो छोरा झुपे नेपालीले धारिलो हथियार प्रयोग गरि निर्मम हत्या गरेका थिए । हत्यापछी घटना लुकाउन बुवाको शवलाई मलखातमा पुरेका जिल्ला प्रहरी कार्यालय अर्घाखाँचीले जनाएको छ ।
मापसे गरेर घरमा पुगेका नेपालीले बुवासंग झगडा गरेका थिए । झगडाले उग्र रुप लिएपछी उनले बुवामाथी कुटपिट गर्दा मृत्यु भएको थियो । घटना लुकाउन उनले बुवाको शवलाई मलखादमा पुरेका थिए ।
अहिले प्रहरीले नेपालीलाई नियन्त्रणमा लिएर अनुसन्धान गरिरहेको छ ।