दक्षिण एसियाली फुटबल महासङ्घ (साफ) १७ वर्षमूनीको च्याम्पियनसिप फुटबल खेल्न नेपाली टोली आज श्रीलङ्का जाँदैछ ।
अखिल नेपाल फुटबल सङ्घ (एन्फा) ले हिजो एक कार्यक्रमकाबीच नेपाली टोलीलाई बिदाइ गर्याे । टोली आज श्रीलङ्काको राजधानी कोलम्बो प्रस्थान गर्नेछ । १७ वर्षमूनीको साफ प्रतियोगिता पर्सि सेप्टेम्बर १५ देखि २७ तारिखसम्म हुँदैछ । समूह ‘ए’ मा रहेको नेपालले पर्सि घरेलु टोली श्रीलङ्कासँग खेल्दै प्रतियोगिताको शुरूआत गर्नेछ ।
त्यस्तै आउँदो असोज एक अर्थात् सेप्टेम्बर १८ तारिखमा बङ्गलादेशसँग खेल्नेछ । समूह ‘ए’ मा श्रीलङ्का, नेपाल र बङ्गलादेश तथा समूह ‘बी’ मा भारत, माल्दिभ्स, पाकिस्तान र भुटान छन् ।
