सुनको मूल्य दुई लाख ४० हजार नाघ्यो

स्थानीय बजारमा सुनको मूल्य हालसम्मकै उच्च बिन्दुमा पुगेको छ।

नेपाल सुनचाँदी व्यवसायी महासंघका अनुसार आज सुन प्रतितोला रु दुई लाख ४० हजार ४०० र चाँदी प्रतितोला रु तीन हजार २२० मा खरिदबिक्री हुनेछ।

हिजो आइतबार सुन प्रतितोला रु दुई लाख ३८ हजार र चाँदी प्रतितोला रु तीन हजार एक सय २५ मा किनबेच भएको थियो। अन्तरराष्ट्रिय बजारमा आज सुनको मूल्य प्रतिऔंस चार हजार ७१ अमेरिकी डलर हाराहारी कारोबार भइरहेको छ।