जारी टी- २० पुरुष विश्वकपको सेमिफाइनल खेल्नै चारैवटा टोलीको टुंगो लागेको छ।
आइतबार राति भारतले सेमिफाइनलमा स्थान बनाएसँगै यस संस्करणको सेमिफाइनलको समीकरण पूरा भएको हो। वेस्ट इन्डिजमाथि ५ विकेटको जित हात पारेपछि भारत सेमिफाइनलमा पुग्ने अन्तिम टोली बनेको हो।
जारी विश्वकपमा इंग्ल्यान्ड सेमिफाइनलमा स्थान बनाउने पहिलो टोली हो। त्यस्तै, दक्षिण अफ्रिका र न्यूजिल्यान्डले पनि सेमिफाइनलमा आफ्नो स्थान सुरक्षित गरिसकेका छन्।
यी चार टोलीमध्य भारत र इंग्ल्यान्डले समान २-२ पटक टी-२० विश्वकपको उपाधि जितेका छन् भने दक्षिण अफ्रिका र न्यूजिल्यान्ड उपाधिविहीन छन्।
सेमिफाइनलको पहिलो खेल आउँदो बुधबार हुनेछ, जहाँ दक्षिण अफ्रिका र न्यूजिल्यान्डले प्रतिस्पर्धा गर्ने छन्।