यही २१ गते हुने प्रतिनीधि सभा निर्वाचनमा अर्घाखाँचीबाट ३३ जना कैदिबन्दीले मतदान गर्दैछन् ।
प्रत्यक्षमा मतदान गर्न नपाएपनि उनिहरुले समानुपातिक मत दिनेछन् । कुल ८९ जना कैदिबन्दी रहेकामा ३३ जनाको मतदाता नामावलीमा नाम रहेको र उनिहरुलाई समानुपातिक मत दिने व्यवस्था मिलाईएको कारागार प्रमुख श्यामहरी भट्टराईले जानकारी दिए ।
जिल्ला कारागारमा रहेका चार जना महिला र २९ जना पुरुषले मतदान गर्नेछन् । उनिहरुलाई कारागार भित्रै मतदान गर्ने व्यवस्था मिलाईएको छ ।
यस्तै १ हजार ४५२ जना कर्मचारीले पनि समानुपातिकमा मतदान गर्नेछन् । जिल्ला प्रशासन कार्यालय परिसरमा उनिहरुलाई मतदानको व्यवस्था मिलाईएको छ । यसका अलावा सुरक्षामा खटिएका सुरक्षाकर्मी, निर्वाचन प्रहरी र खटिएका कर्मचारीले आफु रहेकै मतदान केन्द्रमा समानुपातिक मत दिनेछन् ।
