रास्वपाको झण्डा राखेर चुनावी प्रचारमा हिँडेको जीपबाट प्रहरीले मदिरा र चामल बरामद गरेको छ।
सोमबार बिहानै सल्यानको बन्गाड कुपिन्डे नगरपालिका-१ सल्लीबजारबाट ०२–००१ च ०४२९ नम्बरको जीपमा राखिएको २५ किलोका दुई बोरा चामल, गोली डायमण्ड लेखिएको सात कार्टुन मदिरा, दुई कार्टुन रकस्टार बियर र तीन कार्टुन खानेतेल बरामद भएको हो। प्रहरीले सामानसहित चालक र जीपमा सवार एक जनालाई नियन्त्रणमा लिएको छ।
जीपका चालक सिद्धकुमाख गाउँपालिका-४ बस्ने २४ वर्षीय चन्द्रप्रकाश बुढाथोकी र सामान लिएर जाने ३७ वर्षीय मोहन बीसीलाई नियन्त्रणमा लिएको प्रहरीले जनाएको छ।
