काठमाडौं २ जेठ । लुम्बिनी प्रदेशका आन्तरिक मामिला तथा कानून मन्त्री चेतनारायण आचार्यको पहलमा गुल्मीका बालकृष्ण भुसालले अर्घाखाँची अस्पतालका अक्सिजन सिलिन्डर रिफिल गरिदिएका छन् । भुसालले ११ थान अक्सिजन रिफिल गरिदिएको मन्त्री आचार्यका स्वकीय सचिव प्रदिप नेपालीले जानकारी दिए ।
मन्त्री आचार्यले लुम्बिनी ग्यास उघोगसँग समन्वय गरि अक्सिजन भोर्ने काममा निरन्तर लागि परिरहेको भन्दै जिल्ला अस्पतालमा अक्सिजनको अभाव हुन नदिने बताए । रिफिल गरिएका अक्सिजन अस्पताल पुर्याइसकिएको छ । केहि थान अक्सिजन रिफिल गर्न उद्योगमा पठाइएको र निरन्तर फलोअप गरिएको आचार्यको सचिवालयले जनाएको छ ।
कोभिड नियन्त्रणका लागि प्रदेश सरकारले जिल्ला अस्पताल र स्वास्थ्य कार्यालयलाई १५ लाख रूपैयाँ विनियोजन गरेको छ । मन्त्री आचार्यले कोभिड नियन्त्रणमा सहयोग गर्न सबै पक्षसँग आव्हान गर्नु भएको छ ।
प्रतिकृया दिनुहोस