दक्षिण भारतका चर्चित अभिनेता अल्लु अर्जुनको बहुप्रतिक्षित फिल्म ‘पुष्पा द रुल’ लगातार चर्चामा छ । सुकुमारद्वारा निर्देशित यस फिल्ममा अल्लु अर्जुनको साथमा रश्मिका मन्डन्ना देखिनेछिन् । फिल्मलाई १५ अगस्टमा रिलिज गर्ने तयारी भइरहेको थियो । तर छायाङ्कनमा भएको ढिलाइका कारण फिल्मको रिलिज मिति पछाडि सर्यो । अब यो फिल्म डिसेम्बरमा रिलिज हुनेछ । यस फिल्मको नयाँ रिलिज मितिले विक्की कौशलको आगामी फिल्म ‘छावा’का निर्माताहरू चिन्ता बढाएको छ ।
अब ‘पुष्पा द रुल’को रिलिज मिति ‘छावा’का निर्माताका लागि टाउको दुखाइ बनेको छ । विक्की कौशलको यो फिल्मको रिलिज मितिमा हेरफेर हुन सक्ने अड्कल पनि बढिरहेको छ । यस्तो भएन भने बक्स अफिसमा दबदबाका लागि दुई फिल्मबीच दरो लडाई हुनेछ । रोचक कुरा चाँहि के छ भने यी दुवै फिल्ममा नायिका रश्मिका मन्डन्ना छिन् । ‘छावा’ डिसेम्बर ६ मा हलमा रिलिज हुँदैछ ।
‘पुष्पा द रुल’का मेकरहरूले सोमबार फिल्मको नयाँ रिलिज मिति सार्वजनिक गरेका थिए । फिल्मलाई ६ डिसेम्बरमा हलमा रिलिज गर्ने तयारी भइरहेको छ । सोमबार साँझ अल्लु अर्जुनले पनि आफ्नो सामाजिक सञ्जाल ह्यान्डलमा ‘पुष्पा २ः द रुल’को नयाँ पोस्टर सेयर गर्दै फिल्मको नयाँ रिलिज मिति सार्वजनिक गरेका थिए ।
