निर्वाचनका दिन (फागुन २१ गते) क्यूएफएक्सका सबै सिनेमा हल बन्द हुने भएका छन् ।
नेपालको सबैभन्दा ठुलो मल्टिप्लेक्स चेनले एक सूचना जारी गर्दै निर्वाचनलाई सहजीकरण गर्न फागुन २१ गते देशभर रहेका क्यूएफएक्सका सम्पूर्ण हलहरू बन्द गर्न लागेको जनाएको हो ।
कर्मचारीहरूलाई मतदान गर्न प्रोत्साहन गरिएकाले फागुन २० र २२ गते केही स्थानका हलहरूको सेवा प्रभावित हुने जनाएको छ । दर्शकलाई हलमा जानुअघि क्यूएफएक्सको आधिकारिक एप वा वेबसाइटमार्फत जानकारी लिन आग्रह गरिएको छ ।
निर्वाचन अवधिभर दर्शकहरूको साथ र समझदारीको अपेक्षा व्यक्त गर्दै क्यूएफएक्सले सबै नागरिकलाई आफ्नो मताधिकार प्रयोग गर्न पनि अनुरोध गरेको छ ।