सन् २०२३ मा प्रदर्शनमा आएको चलचित्र ‘एक भगवत र एक गीता’ दुई वर्षपछि युट्युवमा सार्वजनिक भएको छ।
झरना थापाको निर्देशनमा बनेको चलचित्रमा विपिन कार्की, सुहाना थापा र धिरज मगरको मुख्य भूमिकामा छ । सोमबार युट्युवमा सार्वजनिक भएको चलचित्रको रनटाइम दुई घण्टा आठ मिनेटको रहेको छ।
‘एक भगवत र एक गीता’ले यौनिक अल्पसंख्यकको कथावस्तु र सन्देशलाई केन्द्रमा राखेको छ। चलचित्रले प्रदर्शनको समयमा चर्चा तथा विवाद उत्तिकै पाएको थियो।
उक्त चलचित्रमा कार्की अल्पसंख्यकका भूमिकामा देखिएका छन्। चलचित्रले विशेष गरी तेस्रो लिङ्गी समुदायले जीवनमा भोगेका संघर्ष र उनीहरूमाथि हुने विभेदलाई उजागर गर्ने प्रयास गरेको छ।
