सिद्धार्थ राजमार्गको बुटवल-तानसेन सडकखण्डमा ट्रकसंग स्कुटी ठोक्किंदा एक युवकको ज्यान गएको छ ।
पाल्पाको तिनाउँ गाउँपालिका ३, दोभानमा बुटवलबाट आउँदै गरेको ट्रकसंग ठक्कर खाँदा स्कुटी चालक रुपन्देहीको तिलोत्तमाका २१ वर्षिय विवेक अधिकारीको ज्यान गएको प्रहरीले जनाएको छ ।
स्कुटीको पछाडी बसेकी मृतककी बहिनी १७ वर्षिय रश्मी अधिकारी गम्भिर घाईते भएकी छिन् । उनको लुम्बिनी प्रादेशिक अस्पताल बुटवलमा उपचार भईरहेको छ ।
एउटै दिशामा हिंडिरहेको लु २ ख ५३७३ नम्बरको ट्रकलाई ओभरटेक गर्ने क्रममा लु ८६ प ६५१ नम्बरको स्कुटी ट्रकसंग ठोक्किन पुगेको थियो । दुवै सवारी बुटवलबाट तानसेन तर्फ गईरहेका थिए ।
ट्रक र चालकलाई प्रहरीले नियन्त्रणमा लिएर अनुसन्धान गरिरहेको जिल्ला प्रहरी कार्यालय पाल्पाका सुचना अधिकारी सुगन्ध श्रेष्ठले जानकारी दिए।
