नेकपा (एमाले) को सचिवालय बैठकले प्रतिनिधिसभाका लागि समानुपातिकतर्फका सांसदहरूको नामावलीलाई अन्तिम रूप दिएको छ।
पार्टी सचिव महेश बस्नेतका अनुसार समावेशी सिद्धान्त र विभिन्न क्लस्टरका आधारमा सांसदहरूको नाम छनोट गरिएको हो।
एमालेले खस आर्य समूहबाट ५ जनालाई सांसद बनाउने निर्णय गरेको छ। यस क्लस्टरमा महिलातर्फ पूर्वमन्त्री पद्यमा अर्याल, टुकाभद्रा हमाल र पिछडिएको क्षेत्रबाट एशुदा कुमारी बराल समेटिएका छन्।
पुरुषतर्फ भने गुरु प्रसाद बराल र पुष्पराज कंडेलको नाम टुंगो लागेको सचिव बस्नेतले जानकारी दिए।
त्यस्तै, जनजाति क्लस्टरबाट ४ जना छानिएका छन्। जसमा महिलातर्फ भूमिका सुब्बा र गंगादेवी श्रेष्ठ छन् भने पुरुषतर्फ रामबहादुर थापा मगर र कुलभक्त शाक्यलाई सांसद बनाउने निर्णय भएको छ।
मधेसी समुदायबाट ३ जनाको नाम टुंगिएको छ। जसमा महिलातर्फ रिङ्ला यादव र यशोधा कुमारी यादव परेका छन् भने पुरुषतर्फ चन्द्रेश्वर मण्डलको नाम स्वीकृत भएको छ।
दलित कोटाबाट दुईजना महिला विष्णुमाया वी.के. र नीता घटानी सांसद बन्ने भएका छन्। थारु समुदायबाट कृपाराम राणा र मुस्लिम कोटाबाट साजिदा सिद्दीकीको नाम छनोट भएको छ।
