- अर्घाखाँचीमा आजदेखि एसइई परीक्षा सुरु भएको छ जसमा तीन हजार ६५ विद्यार्थी सहभागी छन्।
- परीक्षा मर्यादित बनाउन १४ वटा केन्द्रमा ५ सय कर्मचारी खटाइएको छ।
- राष्ट्रिय परीक्षा बोर्डले परीक्षा हलभित्र सामूहिक अनुगमन र छायाङ्कनमा रोक लगाएको छ।
आज पहिलो दिन अङ्ग्रेजी विषयको परीक्षामा विद्यार्थी सामेल भएका छन्। जिल्ला शिक्षा विकास तथा समन्वय इकाइ अर्घाखाँचीले सबै परीक्षा केन्द्रमाबिहान ८ बजेदेखि एकै समयमा एसइई परीक्षा सुरु भएको जनाएको छ।
यसवर्ष अर्घाखाँचीबाट तीन हजार ६५ जना विद्यार्थि परिक्षामा सहभागि भएका छन । जसमा १४४० जना छात्र र १६२५ जना छात्रा रहेको जिल्ला शिक्षा विकास तथा समन्वय इकाइ अर्घाखाँचीका प्रमुख विष्णुप्रसाद वेल्वासेले जानकारि दिए । दुई हजार २१० जना साधारण र १३२ जना प्राविधिक धार गरि नियमित तर्फ दुइ हजार ३४२ र ग्रेड बृद्धिमा ७२१ जना विद्यार्थी सहभागि छन्।
परिक्षा संचालनका लागि १४ वटा परिक्षा केन्द्र तोकीएको छ । परिक्षा मर्यादित र ब्यवस्थित रुपमा संचालन गर्न केन्द्राध्यक्ष, सुरक्षाकर्मी सहित ५ सय कर्मचारी खटिएका छन् । उत्तर पुस्तिका सबै केन्द्रमा पुगिसकेको छ भने प्रश्नपत्रहरुको नजिकको प्रहरी चौकीमा पुराईएको इकाइ प्रमुख बेल्वासेले जानकारि दिए ।
इकाइ प्रमुख बेल्वासेका अनुसार राष्ट्रिय परीक्षा बोर्डले यसवर्ष एसइई परीक्षाको सामूहिक अनुगमनमा रोक लगाएको छ। परीक्षा केन्द्र अनुगमनका नाममा विभिन्न सङ्घसङ्गठनका प्रतिनिधि हलमा प्रवेश गर्दा परीक्षा दिइरहेका परीक्षार्थीको लेखन कार्यमा अवरोध पुगेको गुनासो आएपछि बोर्डले सामूहिक अनुगमनमा रोक लगाएको हो ।
अनुगमनका लागि प्रत्येक जिल्लामा प्रमुख जिल्ला अधिकारीको संयोजकत्वमा गठन गरिएको जिल्ला परीक्षा समन्वय समितिका आधिकारिक प्रतिनिधिबाट परीक्षा केन्द्रको बाहिरमात्र अनुगमन गर्ने उनले बताए। पत्रकारले परीक्षा केन्द्रको बाहिरी दृश्य मात्र छायाङ्कन गर्न वा तस्बिर लिन मिल्ने जानकारी दिँदै उनले परीक्षा हलमा केन्द्राध्यक्ष तथा त्यसदिन खटिएका प्रतिनिधिले मात्र अनुगमन गर्नसक्ने व्यवस्था गरिएको उल्लेख गरे।
परीक्षा हलभित्र दृश्य छायाङ्कन गरी सामाजिक सञ्जालमा राखेर विद्यार्थीमा विचलन नल्याउन बेल्वासेले सबैमा आग्रह गरेको छ।
