विभिन्न माध्यमबाट कम्बोडिया पुगेका थप ८ जना नेपालीको उद्धार गरिएको छ । उनीहरूको उद्धार गरी स्वदेश पठाइएको छ ।
विभिन्न व्यक्तिको प्रलोभनमा परी कम्बोडिया पुगेका र त्यहाँ अवैधरूपमा सञ्चालन गरिएका अनलाइन स्क्यामिङ्ग केन्द्र, क्यासिनोमा अनलाइन ठगी तथा अन्य विभिन्न गैरकानुनी काममा लगाइएका साथै कम्बोडियामा बिना भिसा बसिरहेका ८ जना नेपालीको थाइल्याण्डमा रहेको नेपाली दुतावासको पहल र कम्बोडिया सरकारको सहयोगमा उद्धार गरिएको हो ।
यसैगरी अलपत्र परेका वा कठिन अवस्थामा रहेका अन्य नेपालीलाई पनि नेपाल फर्काउने पहल भइरहेको छ । यसअघि अस्ति १२ जना नेपालीलाई उद्धार गरी स्वदेश फर्काइएको थियो । दूतावासले समस्यामा परेका नेपालीलाई सम्पर्कमा आउन आग्रह पनि गरेको छ ।
