समाचार सारांश
Auto Generated by AI
- चलचित्र लालिबजार आगामी शुक्रबारदेखि प्रदर्शनमा आउने पक्का भएको छ।
- उच्च अदालत पाटनले प्रदर्शनमा रोक लगाउने आदेशलाई निरन्तरता नदिएपछि बाटो खुलेको हो।
- यम थापा निर्देशित उक्त चलचित्रमा स्वस्तिमा खड्कालगायत कलाकारको मुख्य भूमिका छ।
चलचित्र ‘लालिबजार’ आगामी शुक्रबारदेखि प्रदर्शनमा आउने भएको छ ।
उच्च अदालत पाटनले प्रदर्शनमा रोक लगाउन दिएको अल्पकालीन अन्तरिम आदेशलाई निरन्तरता दिन अस्वीकार गरेपछि चलचित्र प्रदर्शनमा आउन लागेको हो ।
चलचित्रका कार्यकारी निर्माता प्रदीप भट्टराइले चलचित्र शुक्रबारबाटै प्रदर्शनमा आउने बताए । यसअघि वैशाख १८ गते प्रदर्शनको तयारीमा रहेको चलचित्र उच्च अदालत पाटनको अन्तरिम आदेशको कारण रोकिएको थियो ।
बादी समुदायको कथामा निर्माण भएको चलचित्रमा स्वस्तिमा खड्का, रवीन्द्रसिंह बानियाँ, समाइरा थापा, मुकुन्दकुमार श्रेष्ठ, अभय बराल, आशा पौडेल, गोविन्द सुनार, आभा अर्याल, तारा शर्मा, रमेश वादी, सरस्वती अधिकारी लगायतको अभिनय छ ।
षड्कोण आर्ट्सको निर्माणमा बनेको चलचित्रमार्फत विशाल देवकोटा र प्रशंसा सुवेदीले डेब्यु गर्दैछन् । चलचित्र यम थापाले निर्देशन गरेका हुन्।
